كلمات اغنية ياسمين علي راعي مصر

ياسمين علي راعي مصر مكتوبة مؤسسة راعي مصر للتنمية Yasmin Ali | Raie Misr ecout | أغاني ياسمين علي كلمات الأغنية راعي مصر Yasmin Ali |

ياسمين علي راعي مصر

راعي مصر زي ما بتراعيك شيلها في عينيك
انا مش هوصيك ع اللي ليك البركة فيك راعي مصر
ياما كنت بقول وبشرح بس عادي لما اعيدلك
زرعتك لازم هتطرح يعني عمل الخير قاعدلك
لما تعمل خير هتفرح كل مرة هتبقى عيد لك
ناس كتيرة حياتهم اتساوت بموتهم
السما صبحت بدل اسقف بيوتهم
معدمين بيعانوا علشان يلقوا قوتهم
هتراعيهم يبقى كتر الف خيرك

ناس كتيرة من ظروف الدنيا عانوا
مكسفون م الناس وبالمولى استعانوا
ربنا عايزك سبب ودة من حنانه
مش ناسيهم بيك هيبعت خير لغيرك
راعي مصر زي ما بتراعيك شيلها في عينيك
انا مش هوصيك ع اللي ليك البركة فيك راعي مصر
الجاي خير دة مش اكتشاف حمل الكتاف
هيخف بكرة وليه نخاف وربنا راعي مصر
مش كفاية يبقى عندك ميل لعمل الخير وليا
اصل مصمصة الشفايف مش دليل ع الانسانية
ابتدي وربك يكمل هو يدي الامكانية

اللي جاله فقير لكن مرضيش يرده
خيره لازم ربنا اضعاف يرده
احنا فين م المحتاجين يا اخوانا ردوا
شوية احساس دة اللي يرحم بكرة يرحم
يلا هنشوف مين اكيد محتاج اعانة
مين عياله نامت امبارح جعانة
ونساعده يعبر ازمته ايدك معانا
نكرم الناس نلقى ربنا لينا اكرم اه
راعي مصر زي ما بتراعيك شيلها في عينيك
انا مش هوصيك ع اللي ليك البركة فيك راعي مصر
الجاي خير دة مش اكتشاف حمل الكتاف
هيخف بكرة وليه نخاف وربنا راعي مصر

كلمات الأغنية اغاني مصرية