كلمات الأغنية تفاصيل الجمال ماجد المهندس

Advertisement

تفاصيل الجمال ماجد المهندس مكتوبة Majid Almohandis tafasil jamal ecout أغاني ماجد المهندس كلمات الأغنية تفاصيل الجمال

تفاصيل الجمال ماجد المهندس

كلمات اغنية على طاري الجمال اللي تفاصيـله تـِرِد الروح
تهادي واقبلي يا شيخة..يسعد ربي هالطَلّـة
تهادي وإنتي أعذب من تصاوير الشِعِر والبوح
وْ ارقّ مْن النـفاف وْ اكرم مْن الغيم إذا هلَّـه

تجين وْتِمتلي الدوحة وْضواحيها عطر وتْفوح
تجين وْ يختـصر بعضك تـواصيف الشِعِر كِلَّـه
وْكِن شوفِك سعادة وْضحكِتِك بُشرى وْلِقاك طْموح
وْ قَـدِّك بَـهجة الأرض اللي فيها يـنطبِع ظِـلَّه
ملامح وَجهِك..عيونك..ضياك وْطبعك المملوح
وْشعْرك هاللي لو يسدِل يـزِمّ الصبـْح وْ يْـفِلّه
وصوفٍ زادِتِك بين المحال الممكن المسموح
جمالٍ لا إنعِكَس في مرايتِك..ماظنها توصل له

Advertisement

وهلا بالغالية اللي لو تبـي ضي القمر..مسموح
واذا ما ينهدا إلمثلِك..أجل ضي القمر من له؟!
كريمة شيـخٍ عْلومه رفيعه..وْشامخة لِصروح
سنَدْك وْ عِزِّك إن قالو..يا شيخة بنت عبدالله
إلٰهي يسعِدِ أيامك في ظِل سَمْح اللقا والروح
علي بن ناصر..الوافي عـزيـز الجـاه و الطَـلّة
إبن ذاك الكريم اللي خصاله بالمعاني تْفوح
عسى الله يسعِده فيك وْ يهَنّـي خِـلٍ بـ خِـلـَّه

يْا جعْل أفراحكم يا آل ثاني بالسعادة تْلوح
وْعسى يـرزقـكـم الله بالمَحَبَّة والفَرح كـلَـه
كِثِر ماتِلمَع نْجوم الليالي في الفضا المفتوح
وْ كِثِر ما صَلّت الدنيا على الهادي نبـي الله .

كلمات الأغنية اغاني خليجية

Share your love

Leave a Reply

Your email address will not be published. Required fields are marked *